الرئيسية / اقتصادوفوبيا / مؤشرات أسعار الذهب إلى انخفاض ..
الذهب

مؤشرات أسعار الذهب إلى انخفاض ..

كتب المحلل الاقتصادي لسنسيريا ..

أكبر الخاسرين هذا الأسبوع هنن بياعين الدهب عندنا لأنهم من أسبوع وهنن عم يشترو وما عم يبيعو ع اساس ارتفاع السعر وهنن ما عارفين أن أسعار الذهب العالمية بتتحكم فيها تصريحات الأميركان .. يعني تمرير حزمة التحفيز تبع بايدن بمجلس النواب مع طلعة عوائد سندات الخزينة الأمريكية الآجلة لـ 10سنين لل 1.6 وهي أعلى سعر من سنة بعد ما كان 1.2.

خلا المستثمرين يروحو على سندات الخزينة والنقد وتركو الذهب بدعم من مجموعة أدوات تقنية خاصة بأسواق الأسهم، وبعد ما وصل الدهب للـ 1912$ للأوقية نزل 200 دولار لل 1714 يوم الجمعة من يومين، ومع محافظة عوائد الاسهم الاوروبية واليابانية على مستوى صفر وارتفاع العوائد الأمريكية فالمستثمرين كمان عم يتوجهو تباعاً للسندات ويتركو الأسهم وهيك ومع توقع بوصول عوائد السندات ل 2% فالذهب متجه للانخفاض وممكن يوصل الأسبوع المقبل للـ 1660 $ للأوقية.

ومع هيك فيه آمال عند بعض محللين أن الأمريكان يستحوا وتطلع وزيرتهم وتقول ما بقا بدنا نرفع عوائد السندات وبدنا نثبتها ومنشان ما يصير بخس والناس تخاف .. الذهب مؤشراته العامة الى صعود لكن هي التقلبات نتيجة الطفرات بأسعاره وبعدين بيتوازن ..

وجماعتنا اللي ناطرين أسعار البورصات العالمية ليرفعولنا تسعيرة الدهب بجمعية الصاغة وماشيين مع السوق السودا للصرف بيقاومو بشق النفس التخفيضات و”ما بيعتمدوا ع السعر العالمي” بالتسعير لما بيكون السعر منخفض وبيصيروا “شغالين على العرض والطلب”، المستثمرين برا ناطرين مؤشرات ليحركو سعر الذهب وكون الاقتصاد الأمريكي بيواجه معدلات دين مرتفعة، واضطرابات في أسواق الأسهم. فالكل ناطر الحكي تبع رئيس الاحتياطي الفيدرالي، جيروم باول، ضمن فعاليات قمة الوظائف من وول ستريت جورنال.

وناطرين تقارير من مؤشر مديري المشتريات الصناعي من معهد إدارة التوريدات، وتقرير التوظيف، وتقرير ADP للتغير في سوق العمل، وبيانات طلبات المصانع، وطلبات إعانة البطالة.

“وخليها على الله” ..

اقرأ أيضا

دعاة الفساد ومريديه ..

سنسيريا – كتب الاقتصادي اياد انيس محمد   من عشرين سنة ,, كنت في زيارة ...

ArabicDutchEnglishFrenchGermanItalianPersianRussianSpanish